[歐洲/西班牙] 皇馬球迷聖地睇好波


Santiago Bernabéu Stadium - 呢個名對於皇馬球迷會唔會係朝聖地? :-D 黎到馬德里,我家熱愛足球既男人梗係唔會放過我夾我去睇波。幾年前,我地去過倫敦溫布萊球場 (Wembley Stadium) 同 曼聯奧脫福球場 (Old Trafford Stadium) ,感受過英國既足球文化。雖然佢本身係曼聯球迷,不過佢集郵既夢想係唔只係得曼聯。出發前一個星期,佢已經買好兩張成千蚊既波飛,令我又再一次可以欣賞現場既精彩! 呢一場係 由 皇馬 對 西維爾 (2016年3月20日)



傍晚黎到聖地牙哥巴拿貝球場,球場有80,000+位,我地搵入口都兜左一陣先搵到,好多警察已經當值維持秩序。基本上大部份球場都有搞tour既活動等球迷入去參觀,不過今次好可惜我地既時間只係夠睇一場球賽,而tour就留番去巴塞羅那時去Camp Nou先參觀。想睇tour花絮,可以參考:
http://orientaldaily.on.cc/cnt/lifestyle/20140216/00294_001.html









黎到皇馬,各位女孩子可能好似我咁,識黎識去都係得C朗 (真係太膚淺 - 我知道的!)。好幸運地我可以親眼見到呢位球星~ 雖然唔靠我枝長鏡其實就好似粒米咁細粒。













當日座無虛席,男女老幼滿場飛。睇現場除左好睇在於觀眾非常緊張既感覺,踢波速度亦都快過電視好幾倍,而個種360度環迴立體聲令到失波時既咆吼、入波時既歡呼更加之震撼。

當我一面係度影相既時候,呀男人佢,當然專心一致投入球賽。雖然真心唔識足球,又聽唔明西班牙旁述講緊咩 (除左Goal...) 不過非常欣賞呢一場11號Bale既落力表現~!









多謝好男人 ;-) 令我增廣見聞~

0 意見

歡迎查詢或留言 :-D 多謝支持